🍰 كيكة رخامية هشة ومرتفعة بمزيج الشيكولاتة والفانيليا

 كيكة هشة ومرتفعة بطعم غني، 

مزيج رائع بين الفانيليا 

والشوكولاته بشكل رخامي شيك 

جدًا، مناسبة لأي وقت وسهلة 

بخطوات بسيطة ونتيجتها 

مضمونة 👌

المكونات:

4 بيضات

1½ كوب سكر

1 ملعقة فانيليا سائلة

1 ملعقة خل أبيض

1 كوب لبن

¾ كوب خليط (زيت ذرة + سمنة)

3 أكواب دقيق

2 ملعقة كبيرة كاكاو إسباني خام

الطريقة:

في الخلاط نضيف البيض + 

السكر + الفانيليا + الخل 

ونضرب كويس جدًا لحد ما 

الخليط يفتح وينفش ويبقى 

كريمي، وده بيضمن عدم وجود 

أي زفارة نهائي.

نضيف اللبن ونضرب تاني، 

وبعدها نضيف خليط الزيت مع 

السمنة ونخلط لحد ما كل 

المكونات السائلة تتجانس.

نصب الخليط في بولة، ونبدأ 

نضيف الدقيق تدريجي مع 

التقليب لحد ما نحصل على 

خليط ناعم ومتجانس.

لو حسينا الخليط تقيل شوية، 

نزود رشة لبن بسيطة لحد ما 

القوام يبقى مظبوط.

نقسم الخليط:

تلتين خليط فانيليا

تلت نضيف له الكاكاو الإسباني 

ونقلبه كويس

في صينية مدهونة كويس، 

نصب خليط الفانيليا كله الأول.

بعدين نضيف خليط الشيكولاتة 

على الوش بشكل عشوائي.

أثناء التسوية، خليط الشيكولاتة 

هينزل لتحت ويدمج مع الفانيليا 

ويدينا شكل رخامي جميل جدًا.

تدخل فرن سخن على 180 

درجة لمدة 35–40 دقيقة.

ملحوظات مهمة 🔥:

الفانيليا السائلة أفضل من البودر 

وبتفرق جدًا في الطعم

الكاكاو الإسباني بيدي لون غامق 

وطعم شوكولاتة غني ومميز

لو القوام تقيل، نزود شوية لبن

متفتحيش الفرن أول 25 دقيقة

💬 ولو عايزين أنواع تانية من 

الكيكات زي كيكة البرتقال 🍊او

جوز الهند 🥥 أو كيكة الزباديأو 

أي نوع تاني بتحبوه، اكتبولي 

في التعليقات وأنا أنزلكم

 الوصفات بالتفصيل 😉