كفتة التونة من مطبخي – وصفة اقتصادية سريعة بخطوات وصور حصرية

 وصفة اقتصادية، لذيذة، وسريعة بخطوات وصور حصرية!

📝 المقادير:

2 حبة بطاطس وسط

علبة تونة مصفاة من الزيت

2 ملعقة كبيرة دقيق

1 بيضة

نصف ملعقة صغيرة كزبرة ناشفة

نصف ملعقة صغيرة ملح

نصف ملعقة صغيرة فلفل أسود

نصف ملعقة صغيرة كمون

نصف ملعقة صغيرة ثوم بودر

زيت للقلي

دقيق للتغليف الخارجي

مياه أو زيت خفيف لتسهيل التشكيل

🥔 الخطوة الأولى: سلق البطاطس

نقشر البطاطس ونقطعها، ونسلقها في

 مياه بها رشة ملح لحد ما تستوي تمامًا 

وتبقى طرية.

🧂 الخطوة الثانية: هرس البطاطس

 وإضافة التوابل

نصفي البطاطس من المياه، ونهرسها فورًا 

بالشوكة وهي سخنة.

ثم نضيف:

نصف ملعقة كزبرة ناشفة

نصف ملعقة ملح

نصف ملعقة فلفل أسود

نصف ملعقة كمون

نصف ملعقة ثوم بودر

ونقلبهم مع البطاطس كويس جدًا لحد ما

 تتجانس.

🐟 الخطوة الثالثة: إضافة التونة والدقيق والبيض

نضيف علبة تونة مصفّاة من الزيت تمامًا 

على البطاطس المهروسة ونتأكد إنها

 اتخلطت كويس.

ثم نضيف:

2 ملعقة دقيق

1 بيضة

ونقلبهم مع الخليط حتى نحصل على

 عجينة طرية ومتماسكة نسبيًا.

📌 نصيحة مهمة:

العجينة بتكون طرية شوية وبتلزق، فبللي 

إيدك بمياه أو امسحيها بزيت أثناء

 التشكيل.

✋ الخطوة الرابعة: تشكيل الكفتة

نشكّل الكفتة حسب الرغبة:

أصابع

كور

أقراص

ونغطي كل واحدة بطبقة خفيفة من الدقيق الأبيض ككفر خارجي.

🍳 الخطوة الخامسة: التحمير

في زيت غزير وسخن، ننزل بالكفتة ونسيبها شوية قبل ما نقلبها علشان ما تتفكش.

بعد ما تاخد لون دهبي من تحت، نقلبها بهدوء.

نكمل تحميرها لحد ما تبقى ذهبية اللون من جميع الجهات.

نرفعها على مناديل مطبخ، ثم نزين طبق التقديم.

ملحوظة

الوصفة دي مرنة جدًا ممكن تضيفي شبت  أو بقدونس مفروم

 للعجينة، أو تزودي بهارات زي سبع

بهارات، 

بصل بودر، أو حتى رشة شطة حسب

 ذوقك

🍽️ طريقة التقديم:

كفتة التونة تتقدم بأكتر من شكل:

مع عيش بلدي أو عيش فينو

مع مكرونة سباجتي بالصلصة

في ساندويتشات

جنبها كاتشب أو طحينة

وجبة اقتصادية ومشبعة وسريعة جدًا!