تشيز برجر بيتي بطعم المطاعم | طريقة مضمونة 100% بكل الأسرار

 نفسك تعملي تشيز برجر في البيت بنفس طعم 

المحلات، وبمكونات مضمونة من مطبخك، يبقى 

الوصفة دي ليكي.

النهاردة هقولك على طريقة عمل تشيز برجر بيتي لذيذ، 

بطعم خرافي وقوام طري، وكمان بكل أسرار التتبيلة 

والتسوية اللي تخليه مميز جدًا.

ومش بس كده، كمان هتتعرفي على طريقة التقديم 

اللي تخليه شكله شيك وطعمه يجنن 😍

✅ المكونات:

مكونات البرجر:

نصف كيلو لحمة مفرومة بنسبة دهن مناسبة (حوالي 20%)

كوب برغل مغسول ومصفى كويس

بصلتين متوسطين مفرومين ناعم

ملح حسب الرغبة

فلفل أسود

كزبرة ناشفة

ملعقة كبيرة مرقة لحم بودر

رشة بهارات لحمة

كيس بهارات برجر من "الصُخّي" أو أي نوع متوفر

بيضة واحدة (لتماسك الخلطة)

للتجميع والتقديم:

شرائح جبنة شيدر أو جبنة خاصة للبرجر

خبز برجر طري

شرائح طماطم

شرائح فلفل ألوان (اختياري)

خيار مخلل

شرائح هالبينو (للي بيحب سبايسي)

كاتشب

صوص برجر جاهز أو بيتي

✅ الطريقة:

1. في بولة كبيرة، نحط اللحمة المفرومة، والبرغل، 

والبصل، وكل التوابل والبهارات مع البيضة.

2. نعجن الخليط كويس جدًا بإيدينا لحد ما يبقى ناعم 

ومتجانس تمامًا.

3. نبدأ نشكل العجينة أقراص دائرية، يا إما بمكبس 

البرجر، أو حتى بعلبة جبنة مثلثات فاضية كمقاس 

موحد.

4. ممكن نبدأ نشتغل بيهم فورًا، أو نغطيهم ونسيبهم 

في التلاجة حوالي ربع ساعة علشان يرتاحوا 

ويتماسكوا أكتر.

5. نحط طاسة على النار فيها معلقة زيت ذرة، ولما 

تسخن، نحط أقراص البرجر ونسيبها تتحمر على 

الناحية الأولى.

6. أول ما تاخد لون دهبي من تحت، نقلبها على 

الناحية التانية، ونحط على طول شريحة الجبنة 

الشيدر علشان تسيح وتدي شكل وطعم

ملحوظة ممكن تحمصى العيش شوية لو حابة 

✅ طريقة التقديم:

افتحي العيش، حطى شريحة البرجر بالجبنة 

ضيفي شريحة خس أو فلفل ألوان، وبعدها شرائح 

طماطم، ومخلل، وهالبينو لو بتحبي النكهة السبايسي.. 

و بعدين آخر حاجة صوص البرجر و الكاتشب و اقفلى العيش

واستعدي لأحلى طعم 😍

✅ ممكن يتقدم مع:

بطاطس محمرة

كول سلو

عصير فريش زي مانجو أو ليمون بالنعناع

وممكن كمان تعملي معاه حلقات بصل مقلية 👌

✅ نصيحة أخيرة:

جربيها أول مرة بنفس المكونات دي، وبعد كده ابقي 

ابتكري أو غيري براحتك، بس هتلاقي الوصفة دي بقت 

أساسية عندك!

وافتكري دايمًا إن السر في التتبيلة والتسوية على نار 

عالية من الأول علشان تحتفظ بالعصارة جواها.