🧀 فطيرة الجبنة… أحلى عشا أو فطار سريع من مطبخي | حصري

 

وصفة سريعة ولذيذة تنفع للفطار أو العشاء، تحسّ إنها 

بين البيتزا والكيك الحادق… وبتتعمل من مكونات 

بسيطة موجودة في كل بيت. جربيها وهتدعيلي 🌟

📝 المكونات:

بيضة واحدة

¾ كوب دقيق

¾ كوب لبن

شريحة لانشون (أو سلامي/ببسطرمة/سوسيس حسب الرغبة – أو نستغنى عنه خالص)

ملعقة صغيرة زعتر

رشة ملح

رشة فلفل أسود

ملعقة صغيرة بيكنج بودر

جبنة موتزاريلا (حسب الرغبة)

زيت ذرة للدهن

👩‍🍳 الطريقة:

1. في بولة، نكسر البيضة ونضيف عليها اللبن، الملح، 

الفلفل، الزعتر، ونقلب كويس.

2. نضيف اللانشون المقطع صغير ونقلب.

3. نضيف الدقيق بالتدريج مع التقليب.

4. نضيف البيكنج بودر ونكمل التقليب.

5. لو الخليط تقيل نزوّد شوية لبن، ولو خفيف نزود 

دقيق… لحد ما يبقى القوام وسط.

6. في طاسة مدهونة زيت على نار هادئة، نصب 

الخليط ونوزّعه كويس، ونغطي الطاسة.

7. نسيبه 5 دقايق لحد ما يتمسك ويتحمر من تحت.

8. نقلب الفطيرة على الجهة التانية، ونرش الموتزاريلا 

على الوش.

9. ممكن نضيف جبنة رومي مبشورة، أو فلفل وزيتون 

حسب المتاح.

10. لما الجبنة تسيح والفطيرة تتحمّر من الجهتين، 

نرفعها على طبق التقديم.

🍽️ التقديم:

تتقدم ساخنة مع كاتشب أو صوص باربكيو… أو تتاكل 

سادة، ومعاها كباية شاي أو نسكافيه في الفطار… 

وصدّقيني، هتكون أحلى من الجاهز! 😍

تقدري تسميها: فطيرة الجبنة – كيك حادق – بيتزا سريعة

تنفع فطار، سناكس، لانش بوكس، أو عشاء خفيف ولذيذ