الكبسة السعودي من مطبخي بالصور وكل الأسرار – حصري! 🍛✨

 

📝 المكونات:

نصف كيلو رز بسمتي (مغسول ومنقوع في ماء دافئ لمدة نصف ساعة)

كيلو لحمة مسلوقة ¾ تسوية

بصلة مبشورة

2 ورقة لورا (غار)

2 مسمار قرنفل (ما تزوديش عنهم علشان الطعم ما يمررش)

عود قرفة

1 لومي (ليمون مجفف)

ملح – فلفل أسود

بهارات كبسة

بصل بودر

ملعقة صغيرة مرقة فورية

ملعقة زيت ذرة

ملعقة سمنة أو زبدة

👩‍🍳 طريقة التحضير:

1. نسلق اللحمة بالطريقة المعتادة حتى ¾ تسوية.

(ولو حابين طريقة سلق اللحمة بكل 

أسراري، اكتبولي في التعليقات وهجهزلكم 

مقال خاص بيها!)

2. في حلة على النار، نحط ملعقة زيت 

ذرة + ملعقة سمنة أو زبدة،

وننزل بالبصلة المبشورة ومعاها البهارات:

(ورق لورا – عود قرفة – قرنفل – لومي – 

بهارات كبسة – بصل بودر – فلفل أسود – 

مرقة فورية)،

ونقلب لحد ما نشم ريحة التوابل… 

وخصوصًا القرنفل والقرفة، ريحتهم تحفة!

3. ننزل بقطع اللحمة ونقلبها مع البهارات 

علشان تاخد تشويحة وتتشرب الطعم.

4. نضيف الرز البسمتي (بعد النقع 

والغسيل)،

ونقلبه تقليبة خفيفة مع اللحمة والبهارات.

5. نضيف الشوربة المغلية فقط، بلاش 

مية خالص!

خلي الوصفة كلها شوربة علشان الطعم 

يبقى غني ومظبوط 💛

6. أول ما تغلي الحلة، نوطّي النار خالص 

ونغطيها ونسيب الكبسة تستوي على هدوء 

لحد ما الرز يشرب كل الشوربة.

🍽️ التقديم:

أنا قدمتها مع سلطة الزبادي بالخيار وكانت 

لا تقاوم!

لو حابين طريقة سلطة الزبادي، هتلاقوها 

في الرابط دة 

https://febtnafkra.blogspot.com/2025/06/------.html

وممكن تقدمو الكبسة كمان مع شوية 

مخلل بلدي أو سلطة خضراء خفيفة.

💬 في الآخر…

لو جربتي الوصفة، قوليلي رأيك في 

التعليقات ❤️

ولو حابين أي وصفة معينة، اكتبولي تحت 

وهجهزهالكم من مطبخي بالصور وبكل 

التفاصيل!