🍫 بودينج الشوكولاتة الكريمي الغني – من مطبخي وبالصور الحصرية

 طعم ناعم، غني، ومميز جدًا لعشاق الشوكولاتة!

الوصفة دي من مطبخي، سهلة وسريعة لكن بطعم فخم يليق يتقدم في عزومة أو كتحلية بسيطة في يوم عادي.

📝 المقادير:

2 كوب لبن

2 كوب ماء (بنفس معيار اللبن)

4 ملاعق كبيرة نشا

4 ملاعق كبيرة سكر

3 ملاعق كبيرة كاكاو خام (ولو مش خام استخدمي 4)

نصف ملعقة صغيرة نيسكافيه (اختياري لكن بيعزز طعم الشوكولاتة جدًا)

نصف ملعقة صغيرة ملح

2 مكعب شوكولاتة مطبخ (تم استخدام "دريم")

فانيليا

-

👩‍🍳 طريقة التحضير:

1. نخلط المكونات الجافة

في وعاء، نخلط: الكاكاو + السكر + النشا + النيسكافيه + الملح

ونقلبهم كويس جدًا.

2. نضيف السوائل

نضيف اللبن والماء بالتدريج مع التقليب لحد ما يذوب كل شيء.

3. نرفع على النار

نرفع الخليط على نار متوسطة ونقلب باستمرار لحد ما يتقل.

نضيف مكعبات الشوكولاتة والفانيليا، ونكمل تقليب لحد ما الشوكولاتة تذوب والقوام يبقى كريمي.

4. نصب ونزين

نوزع البودينج في كاسات ونسيبه يبرد، بعد كده ندخله التلاجة لمدة ساعة.

🎨 للتزيين:

تشوكلت شيبس

شرائح موز أو فواكه حسب المتاح

صوص شوكولاتة أو كراميل

رشة جوز هند

مكسرات خفيفة على الوش

💡 ملاحظات من مطبخي:

✅ محدش ينسى نصف معلقة الملح!

دي السر اللي بيخلي الطعم زي بودينج الدانيت أو الشوكولاتة الفاخرة، بجد بتفرق في النكهة جدًا.

☕ النيسكافيه اختياري

لكن لو ضفتيه حتى بنصف معلقة، هتحسي بطعم الشوكولاتة أعمق وأغنى.

💬 جربتي الوصفة؟

شاركي تجربتك أو صورتك معانا في التعليقات ❤️