صنية فراخ بالفريك – وصفة شتوية وتنفع على سفرة رمضان 🌙🍗

لو عايزة وصفة دافية وشهية تكمل سفرتك 

الشتوية أو سفرة رمضان، جربي صنية 

الفراخ بالفريك. وصفة لذيذة تجمع بين 

الفراخ الطرية والفريك المشرب بالشوربة، 

مع البصل والصلصة اللي بتديها طعم غني.

المقادير:

فراخ مقطعة

دقيق لغسل الفراخ

ملح، ليمون، رشة سكر للنقع

2 بصلة، فصين توم، طماطم مفرومين

ملح وفلفل أسود

1 معلقة سمنة بلدي

1 معلقة مرقة

1 معلقة صلصة

حبهان وورق لورا للسلق

طريقة التحضير:

تحضير الفراخ:

اغسلي الفراخ كويس بالدقيق.

اعملي محلول نقع من الملح والليمون 

ورشة سكر، وانقعي الفراخ فيه ساعة، 

بعدين اشطفيها كويس.

تحضير التتبيلة:

في الكبة، اخلطي الطماطم، التوم، البصل، الملح والفلفل.

ادعكي الفراخ بالخلطة دي وسيبيها تتشرب النكهة.

سلق الفراخ نص سلقة:

اغلي ماء فيه حبهان وورق لورا.

حطي الفراخ في الماء لحد ما تاخد نص 

سلقة، بعدين صفيها.

تحضير الفريك:

في صينية، سخني معلقة سمنة بلدي، 

وحمّري البصلة المفرومة مع الملح والفلفل 

لحد ما تاخد لون دهبي.

ضيفي الفريك المغسول وحركيه مع 

البصلة.

ضيفي معلقة مرقة ومعلقة صلصة وسيبيه 

يتشوحوا مع الفريك.

تجهيز الصينية للفرن:

حطي الفراخ النص مسلوقة على وش 

الفريك.

جهزي معلقة صلصة + كبشة شوربة + 

معلقة سمنة وادهني بيهم وش الفراخ.

اسقي الفريك بشوربة الفراخ عشان ياخد 

نكهة ويستوي كويس.

الطهي في الفرن:

حطي الصينية في رف الفرن النص 

متوسط لحد ما الفراخ والفريك يستووا.

قبل ما تخلصي، شغلي الشواية شوية 

عشان وش الفراخ ياخد لون دهبي حلو.

نصائح:

تقدري تضيفي رشة فلفل أسود أو شوية 

سمنة بلدي قبل التقديم.

تقدميها مع سلطة خضرا أو زبادي وخيار 

لوجبة كاملة وشهية.

✨ وصفة شتوية دافية ولذيذة تنفع كمان 

على سفرة رمضان لكل العيلة!

"لو عجبتكم الوصفة، ادعوا لوالدي بالرحمة 🌹"