كانيلوني بالصور من مطبخي – وصفة سهلة ولذيذة لسفرة مميزة

الكانيلوني وجبة مميزة على 

سفرة رمضان، غير تقليدية وفيها 

تركات كتير علشان تظبط كل 

التفاصيل، بس النتيجة تستاهل 

كل التعب. وصفة غنية ولذيذة، 

تجمع بين الحشوة الطرية، 

والصوص الكريمي، والجبنة 

المذابة على الوجه، وحتخلي 

سفرتك أحلى وتشد انتباه الكل.

المقادير

الحشوة:

نصف كيلو بانية مقطع مكعبات

بصلتين متوسطتين مفرومين

سبع بهارات

ملح وفلفل حسب الرغبة

زيت ذرة للتشويح

عجينة الكانيلوني:

3 بيضات

3 كباية دقيق

3 كباية لبن

جبنة موزاريلا حسب الرغبة

البشاميل:

ملعقتين سمنة

ملعقة زيت ذرة

3 معالق دقيق كبار

كوبين لبن

كوب شوربة

ملح وفلفل

مكعب مرقة

الطريقة

تحضير الحشوة:

نشوح البصل المفروم في زيت ذرة.

نضيف البانية المقطع و السبع 

بهارات، الملح والفلفل، ونقلب 

لحد ما العصاج يبقى جاهز.

تحضير عجينة الكانيلوني:

نضرب البيض، الدقيق واللبن في 

الخلاط لحد ما يتجانسوا.

نسوي العجينة في طاسة تيفال 

أو صينية سيراميك بعد دهنها 

زيت أو سمنة لمنع الالتصاق.

ناخد الكبشة بمقدار ثابت ونحرك 

الطاسة لحد ما تتكون الفطيرة.

لما تستوي، نقلبها على الناحية 

التانية ونكمل باقي الكمية.

تحضير البشاميل:

نحمر الدقيق مع السمنة والزيت.

نضيف اللبن وكوباية الشوربة، 

ونقلب لحد ما الخليط يتقل.

نطفي النار، ثم نضيف الملح 

والفلفل ومكعب المرقة، ونقلب 

كويس.

تكوين صينية الكانيلوني:

نحط جزء من البشاميل في قاع 

الصينية.

نحشي كل فطيرة بمعلقة من 

الحشوة + معلقة جبنة موزاريلا.

 ونلفها رول.

نضع الرولات على البشاميل في 

الصينية، ونكرر العملية لحد ما 

نخلص كل الكمية.

على الوجه، نضيف باقي 

البشاميل ورشة موزاريلا.

تدخل الصينية فرن سخن لحد 

ما تاخد لون ذهبي و بالهنا

الوصفة تفاصيلها كتير، بس 

الحقيقة النتيجة تستاهل كل 

الوقفة والتعب! 😍