الفتة المصرى بالخل و التوم بكل الاسرار و الصور خطوة بخطوة 🍽

الفتة المصري من الأطباق 

الأصيلة اللي طالعة من قلب 

المطبخ المصري التقليدي 

لو نفسك تعملي فتة مظبوطة 

من غير تعقيد، 

المقال ده هيبقى دليلك الكامل 👌

هقولك كل الأسرار من أول سلق 

اللحمة لحد التقديم الصح اللي 

بيخلي الطعم خرافي 🔥

🥩 المكونات:

لسلق اللحمة:

كيلو لحمة موزة

بصلة

طماطم

حبهان

ورق لورا

فلفل أسود

ملح

معلقة سمنة بلدي

فصين توم

معلقة صغيرة سكر

مية سخنة

للرز:

رز مصري مغسول ومتصفّي

سمنة بلدي

ملح

مكعب مرقة

للعيش:

عيش ناشف (بلدي)

لصوص الخل والتوم:

2 معلقة كبيرة توم مفروم

خل أبيض

سمنة

نص معلقة صغيرة كزبرة ناشفة

كبشة شوربة (مرقة)

🔥 طريقة التحضير:

1️⃣ سلق اللحمة (أهم خطوة 👌):

في حلة السلق نسخن معلقة 

سمنة بلدي.

ننزل باللحمة ونشوحها كويس 

تاخد صدمة من كل ناحية.

نضيف البصل + الفلفل الأسود + 

الحبهان + ورق اللورا ونقلبهم 

مع اللحمة.

نضيف فصين التوم.

نحط معلقة صغيرة سكر.

ننزل بالمية السخنة من الكاتيل.

نسيبها تغلي ونشيل الريم.

مهم: مانحطش الملح في الأول، 

نضيفه لما اللحمة تبقى نص 

سوى.

نكمل سواها لحد ما تبقى طرية 

ونحتفظ بالمرقة.

2️⃣ تحضير الرز الأبيض:

في حلة نحط سمنة بلدي تسيح.

ننزل بالرز ونشوّحه كويس لحد 

ما كل حباية تتغلف بالسمنة.

نضيف ملح + مكعب مرقة.

ننزل بمية سخنة.

أول ما تغلي نوطي النار ونسيبه 

يستوي.

3️⃣ تجهيز العيش:

نقطع العيش ونحمّصه في الفرن 

أو نقليه في سمنة لحد ما يبقى 

مقرمش.

4️⃣ صوص الخل والتوم (سر 

الطعم 😏🔥):

نحط سمنة تسخن.

ننزل بالتوم + الكزبرة الناشفة 

ونقلب لحد ما يبقى دهبي.

نضيف الخل.

نحط كبشة مرقة.

نسيبهم يغلو غلوتين ونطفي.

5️⃣ تحمير اللحمة:

نحمر اللحمة في سمنة بلدي لحد 

ما تاخد لون حلو.

نرش عليها ملح وفلفل.

🍽️ 6️⃣ تكوين طبق الفتة المميز 

(أهم خطوة 👑):

نكسر العيش الناشف والمحمص 

في الطبق.

نوزع عليه معلقتين من صوص 

الخل والتوم.

نسقيه بكبشة شوربة سخنة 

عشان يطرى ويشرب الطعم.

ننزل بالرز الأبيض فوق العيش.

نضيف كبشتين شوربة على 

الوش.

نوزع باقي صوص الخل والتوم 

على الرز.

نحط اللحمة المحمرة على 

الوش. 

لو اتبعتى كل الخطوات أوعدك 

بطبق فتة مفيش منة شاركوني 

فى التعليقات وصفتي كانت زى 

وصفتك فى الفتة ولا عندك اى 

إضافة 

لو عجبتكم الوصفة ادعو لابى 

بالرحمة و المغفره