جلاش باللحمة المفرومة بطعم مظبوط ومقرمش

الجلاش باللحمة من أسهل وألذ 

الأكلات اللي تنفع للعزومات 

وكمان لفطار رمضان، وبيتميز 

بطبقاته المقرمشة وطعمه الغني 

اللي الكل بيحبه 👌

المقادير

نصف كيلو جلاش

لحمة مفرومة معصجة

سمنة بلدي متسيحة

كوب ونصف لبن

طريقة التحضير

نسيح السمنة في بولة على النار، 

وندهن الصينية من تحت كويس 

علشان الجلاش مايلزقش.

نبدأ نحط أول طبقة جلاش، 

وندهن بين كل طبقة والتانية 

سمنة.

لما نخلص نص كمية الجلاش، 

نحط اللحمة المعصجة ونوزعها 

كويس.

(ولو عايزين طريقة العصاج 

بالتوابل المظبوطة قولولي في 

التعليقات 😉)

نكمل باقي طبقات الجلاش 

بنفس الطريقة 

في الآخر مهم جدًا نقطع 

الجلاش قبل ما يدخل الفرن.

نسخن الفرن كويس جدًا، 

ونسقي الجلاش بكوب ونصف 

لبن.

ممكن تستبدلي بـ: لبن + شربة

أو لبن + بيضة + ملح وفلفل

(لكن أنا هنا استخدمت لبن بس)

ندخل الجلاش فرن سخن لحد 

ما يستوي ويشرب اللبن.

في الآخر نشغل الشواية علشان 

ياخد لون دهبي جميل و بالهنا