كيك الشاى التقليدى طعم الذكريات كيك هش و مرتفع و مناسب لكل الاوقات

مهما تعددت وصفات الكيك 

هيفضل الكيك التقليدي  ليه 

مكانة خاصة عند كل الناس، 

وطعمه يفضل في الذاكرة ديما

 

مع كباية نيسكافية أو شاى 

 بلبن مناسب لكل الأوقات 

مع المقادير الصحيحة 

والخطوات المضبوطة،هتطلعي 

كيك هش ولذيذ لكل أفراد 

العيلة.

المقادير:

4 بيضات

عصير نصف ليمونة (الليمون 

هنا بيخلي الكيك فاتح وهش، 

وكمان ريحته تدي طعم يجنن)

3 و نصف كوب دقيق

1 كوب لبن كامل الدسم

 تلت ارباع كوب  زيت ذرة 

سمنة بلدي 

فانيليا سائلة

1 كوب وربع سكر

1 ملعقة صغيرة بيكنج باودر

طريقة التحضير:

في الخلاط، اخلطي البيض مع 

عصير نصف ليمونة والسكر 

ونص معلقة فانيليا لحد ما 

القوام يبقى كريمي.

أضيفي كوب اللبن واخلطي 

تاني.

أضيفي الزيت والسمنة واخلطي 

كويس لحد ما كل المكونات 

السائلة تمتزج.

في بولة كبيرة، اخلطي الدقيق 

مع البيكنج باودر.

نزلي خليط الكيك تدريجيًا على 

المواد الجافة، وقلّبي بمضرب 

يدوي أو كهربائي لحد ما 

المكونات تتجانس تمامًا.

ملاحظة: لو الخليط تقيل، 

ضيفي شوية لبن. لو خفيف، 

ضيفي شوية دقيق حسب نوع 

الدقيق المستخدم.

ضيفي نص معلقة فانيليا تانية 

في آخر خلط.

جهزي صينية الفرن بدهنها 

بشوية زيت وسمنة، وممكن 

تبطنيها بدقيق لمنع الالتصاق.

صبي خليط الكيك في 

الصينية، 

ودخليه فرن مسخن مسبقًا.

أول 10 دقايق خلي الفرن 

سخن، بعدين وطّي الحرارة على

نار هادية عشان الكيك يطلع 

مرتفع وهش.

الكيك يستوي في حوالي ساعة 

إلا ربع لساعة حسب الفرن.

لو محتاج، استخدمي الشواية 

على الكيك آخر 5 دقايق 

لتحمير  الوش

نصائح للكيك الهش:

التزموا بالترتيب في إضافة 

المكونات.

الحرارة المنخفضة بعد أول 10 

دقايق مهمة لارتفاع الكيك.