عرق تربيانكو احلى وصفة طبق لحمة للعيد






لو زهقتى من تقديم اللحمة فى العيد بنفس الطرق 

التقليدية كل سنة، جربى عرق التربيانكو بصوص 

الديموجلاس. وصفة مختلفة وشكلها مميز على 


السفرة، والنتيجة شرائح لحمة طرية وغنية بالنكهةمع 

صوص رائع يديها طعمًا فخمًا يناسب العزومات 

والمناسبات. تتقدم مع الرز الأصفر بالمكسرات أو الرز 

الأبيض، وتعتبر تغييرًا جميلًا عن الفتة ووصفات 

اللحمة التقليدية المعتادة فى عيد الأضحى.


المقادير


- عرق تربيانكو كامل.

- بصلتين وسط.

- حباية طماطم.

- فصين توم صحيح.

- قرفة خشب أو قرفة بودرة.

- سبع بهارات.

- مكعبين مرقة.

- مكعب زبدة.

- معلقتين زيت زيتون.

- ملح وفلفل.


الطريقة


1. فى حلة تيفال أو طاسة نحط مكعب الزبدة 

ومعلقتين زيت الزيتون لحد ما يسخنوا.

2. ننزل بعرق التربيانكو المغسول كويس عشان ياخد 

صدمة ولون حلو من جميع الجهات.

3. أثناء ما العرق بياخد اللون، ننزل بالبصلتين 

والطماطم والتوم والقرفة والسبع بهارات ومكعبين 

المرقة والملح والفلفل، ونشوح الكل مع بعض.

4. بعد ما كله ياخد لون حلو، ننزل بحوالى 3 كبايات 

كبار مية مغلية من الكاتيل، أو حسب حجم العرق.

5. نسيبه يغلى 10 دقايق، وبعدها نوطى النار خالص 

ونسيبه ساعة.

6. بعد ساعة نقلب العرق على الناحية التانية ونسيبه 

ساعة كمان.

7. لو استوى تمام يبقى كده جاهز، ولو لسه محتاج 

وقت نسيبه نص ساعة أو ساعة إضافية حسب حجمه.



ملاحظات مهمة


-الطريقة دى مختلفة عن أغلب الطرق، لأن مفيهاش لا 

لف بخيط ولا كيس حرارى ولا تسوية فى الفرن.

- بعد ما نتأكد إنه استوى، نطلعه من الصوص اللى 

هيكون قل جدًا وبقى لونه غامق وغنى بالنكهة.

- نسيب العرق والصوص فى التلاجة ليلة كاملة.

- الخطوة دى مهمة جدًا عشان العرق يمسك نفسه 

ويبقى سهل يتقطع تانى يوم.

- تانى يوم نقطعه بسكينة حامية وغير مشرشرة 

شرائح متساوية فى السمك على قد ما نقدر.


طريقة عمل صوص الديموجلاس


1. ناخد الصوص اللى اتسلق فيه العرق، بالبصل 

والطماطم وفصوص التوم كلها.

2. نضربه فى الخلاط أو بالهاند بلندر لحد ما يبقى 

ناعم جدًا.

3. نضيف 4 معالق كبيرة دقيق ونضربهم مع الصوص.

4. فى حلة تانية نكرمل معلقتين سكر لحد ما يبقى 

لونهم بنى.

5. ننزل بخليط الصوص على السكر المكرمل مع 

التقليب المستمر.

6. نسيبه يغلى لحد ما يتقل ويبقى صوص بنى لامع 

وطعمه غنى جدًا.

7. نضبط الملح والفلفل، وممكن نزود مكعب مرقة لو 

حابين.



التحمير والتقديم


1. نرص شرائح عرق التربيانكو فى صينية فرن.

2. ندهن كل الشرائح بصوص الديموجلاس.

3. نشغل الفرن والشواية وندخل الصينية لحد ما 

الصوص يلمع والعرق ياخد لون تحمير جميل.

4. نطلعه ونقدمه سخن.




اقتراح للتقديم


يتقدم عرق التربيانكو مع الرز الأصفر بالمكسرات أو 

الرز الأبيض، ومعاه صوص الديموجلاس الإضافى 

للتقديم. وصفة مناسبة للعزومات وسفرة العيد، 

وطريقة مختلفة وأنيقة لتقديم اللحمة بعيدًا عن 

الوصفات التقليدية المعتادة. 

تعليقات

إرسال تعليق

رأيك يهمنا! اكتب لنا في التعليقات لو عندك فكرة، سؤال، أو حتى كلمة حلوة… وجودك بيفرق

المشاركات الشائعة من هذه المدونة

طريقة عمل الكشرى المصرى بالصور و الخطوات احلى اكلة لايام العيد

صورة
 الكشري المصري من أشهر  وأحب الأكلات اللي مفيش حد  بيختلف عليها 😍، ودايمًا  بيكون اختيار مثالي خصوصًا  في أيام العيد لما بنحب نعمل  أكل مشبع وفي نفس الوقت  طعمه حكاية. النهارده هنعمل مع بعض كشري  مصري في البيت بطعم المحلات  بالظبط، مع صلصة مظبوطة  ودقة وشطة تخلي الطعم ولا  أروع 🔥 تحضير البصل المحمر نبدأ بالبصل، هنحتاج حوالي  كيلو بصل (أو حسب عدد أفراد  الأسرة). نقطع البصل شرائح جوليان  رفيعة، ونرش عليه شوية ملح  مع معلقة دقيق، ونقلبه كويس. بعد كده نحمره في زيت غزير  لحد ما ياخد لون ذهبي جميل  ويبقى مقرمش زي بتاع  المحلات 😍 💡 نصيحة مهمة: اقلي البصل على دفعات عشان  يطلع مقرمش وما يكلكعش،  وبلاش تسيبيه يغمق زيادة  عشان مايبقاش طعمه مُر. تحضير صلصة الكشري بنستخدم نفس زيت البصل  عشان يدّي طعم أقوى وأحلى 👌 نحمر شوية ثوم مفروم لحد ما  لونه يدي على ذهبي وتطلع  ريحته الحلوة 😍 ننزل عليه بطماطم معصورة  ومتصفية، ونسيبها على النار  لحد ما تتسبك كويس  نضيف التوا...
Read more »

بيت المنشاوي: لا أحد خرج... ولا أحد دخل

صورة
 في قلب حي شعبي قديم، كان بيت "المنشاوي" يبدو كأي بيت آخر. واجهة بسيطة، نوافذ مطلة على شارع ترابي، وضحكات أطفال تتسلل منه كل مساء. كان عصام المنشاوي، موظف حكومي، يعيش مع زوجته ليلى وطفليهما، كريم وسلمى، في البيت منذ سبع سنوات. لا مشاكل، لا شكاوى، جيران هادئين. لكن في ليلة باردة من ليالي الشتاء... اختفوا. كلهم. في لحظة. في صباح اليوم التالي، خرجت "أم إبراهيم"، جارتهم، تبحث عن "أم كريم" التي كانت من المفترض أن تذهب معها إلى السوق. طرقت الباب كثيرًا، لم يُفتح. ظنّت أنهم نائمون، لكنها عادت في المساء ووجدت الوضع كما هو. لا صوت. لا ضوء. ولا حتى خطوات. في الأيام التالية، الحارة كلها كانت في حالة ذهول. الجيران يتهامسون، يراقبون البيت بصمت. أحدهم قال إنه رأى ظل "كريم" يطل من الشباك فجأة. وآخر قال إنه سمع صوت ضحك "ليلى" في منتصف الليل. الشرطة حضرت. كسرت الباب. دخلوا البيت... فوجدوه كما هو، مرتبًا، دافئًا، الطعام على المائدة لم يبرد بعد، والهواتف على الشحن. ولا أحد هناك. التحقيقات طالت، حتى المحقق المسؤول اعترف: "مافيش أثر لخروجهم... وكأن الأ...
Read more »

اعملي ستريبس الفراخ زي المطاعم بالظبط.. السر في التتبيلة والكافر المقرمش!

صورة
  لو بتدوري على وصفة فراخ ستريبس زي المطاعم، بطعم مميز وطبقة كريسبي ماتقعش من الفراخ، يبقى الوصفة دي هتكون كنز ليكي! من مطبخي وبالصور، جربتها بنفسي والنتيجة مذهلة. 📝 المكونات: صدر فرخة كامل، مقطّع شرائح طولية. عصير ليمونة كاملة. ملعقة كاتشب. 2 ملعقة زبادي. ملح، فلفل أسود، قرفة. مرقة بودر، سبع بهارات، توابل فراخ. بيضة. 2 ملعقة دقيق. شوية لبن. دقيق + 2 ملعقة نشا للتغليف. ملعقة بهارات فراخ + ملح + فلفل (للدقيق). زيت غزير للقلي. 🍗 طريقة التحضير: 1. تقطيع وتنظيف الفراخ: قطعي صدر الفرخة شرائح طويلة، واغسليه كويس بالملح والليمون. 2. تحضير التتبيلة: في بولة كبيرة ضيفي: عصير الليمون، الكاتشب، الزبادي، التوابل كلها. البيضة، الدقيق، وشوية لبن. اخلطي كويس، وانزلي بالفراخ وقلبي لحد ما تتغلف كويس واتركيها تتتبّل شوية. 3. تحضير الكافر (الغلاف): في طبق تاني: اخلطي دقيق + نشا + توابل (بهارات فراخ، ملح، فلفل). 4. تغليف الفراخ: طلّعي شرائح الفراخ من التتبيلة، وغطسيها في خليط الدقيق على طول (مش محتاج بيض تاني لأن موجود في التتبيلة). 5. التبريد قبل القلي: سيبي الفراخ المغلفة في التلاجة نص ساعة عشان ا...
Read more »